Ọrtọm: Ndi na-achị ehi na ehi ha bụzị “aka-akpa-n’isi” na Naịjiriya

Spread the love
Ortom: Herdsmen, cattle have been given same immunity as the president
Makurudi: Samụel Ọrtọm, Aka na-achị Benuwe Steeti sịrị na ọ dịka ndi na-achị ehi nakwa ehi ha nwekwuziri iwu aka-akpa- n’isi (immunity) nke ọ bụ sọọsọ Onyeisala n’Osote ya nwere site n’usoro iwu ala Naịjiriya.
Gọvanọ a kwuru nkea maka okwu Mansur Dan Ali bụ Mịnịsta nta na-ahụ maka Nchekwa.

Mazị Dan Ali sịrị na ọ bụ iwu machiri ịchịgharị ehi bụ mere ndi na-achị ehi ji egburu mmadụ aghara aghara n’ala anyị gbaa gburu gburu.

“Ndi a na-achị ehi bụ ndi naịjiriya. Ọ dịkwa ka mmadụ ịbịa nọchie ikpere mmiri ala anyị, o nwere isi?

Gọvanọ Ọrtọm sịrị na okwu ahụ bụ “mkparị nye ụmụ amala Naịjiriya”. Ọ kwara arịrị na ehi kazị Gọọmentị Etiti mkpa karịa ndụ mmadụ.

” Agaghị m ewere ala m nyefee onye ọbịa. I nwere ike ime otu ahụ na steeti nke gi. Ọ dị mwute na ndi kwesịrị ịna adụ onyeisiala ndụmọdụ anaghị eme nkea, kama ha na edughie ya ụzọ maka ihi ihe ha ga-erite.

“Dịka steeti, anyị dị nkwadebe ịnabata ndi obi ha dị ọcha, bịakwaranụ steeti anyị n’ụzọ ziri ezi, tinyere ndi mba ọzọ. Mana, ị nọrọ na Benuwe, ị ga-akwanyelata iwu anyị ugwu.

“Okwu ahụ bụ mkparị nyere izugbe ndi ọchịchị nile nakwa ndi Naịjiriya nile, mịnịsta na-ahụ maka nchekwa ịgwa ndi Naịjiriya ka ha nabata ndi mbaọzọ ndi zopbatara ezobata bịa na-ebute ọgbaghara”

“A hụzịrị m na iwu aka-akpa-n’isi nke na-ekpuchi sọọsọ Onyeisiala, Osote Onyesisiala, Gọvanọ nakwa Osote ya, kpuchizikwuru ndi na-achị ehi, ndi ogbu ọchụ nakwa ehi ha. Na Naịjiriya taa, ehi kazị madụ nwee ikike. Ọ jọgburu onwe ya.”

Leave a Reply

Your email address will not be published.

sixteen − four =