Ndi Agha Naịjiriya jụrụ ime ihe ọbụla maka ọgbụgba ama ha nwetara na Dapchi

Spread the love

Legọsị: Otu Amnesty International eboola  Ndi Agha Naịjiriya ebubo emeghi ngwa ngwa mgbe ha nwetara “ọgbụgba ama” elekere ole m’ole tupu Boko Haram atọro ụmụ agbọghọ otu Narị n’iri n’ụlọ akwụkwọ dị na Dapchi, Yobe Steeti.

Na ozi nchọpụta ha weputara ọhụrụ, otu a na-ebo ebubo na Ndi Agha nakwa Ndi Uwe Ojii nwetara ọkpụkpọ oku ekwentị ruru ise n’ehihie ụbọchị ahụ, ịdọ ha aka na ntị na ndi bu egbe na-abịa n’Ụlọakwụkwọ Government Girls Science and Technical College n’obodo Dapchi.

Ha gbadoro ụkwụ n’ọgbụgba ama si n’aka ndi akaebe nakwa ndi bi n’ebe ahụ, ndi sịrị na ha kpọrọ Ụsụụ Ndi Agha Geidam nke dị na steeti ahụ nakwa ndi uwe ojii ka ha hụrụ ndi bu egbe sotịa na-etinye isi n’ụzọ ụlọ akwụkwọ ahụ.

Anyị ga-echeta na Gọvanọ Steeti ahụ boro Ndi Agha ebubo ịkwara pụọ na Dapchi  izu ụka ole n’ole tupu ndi Boko Haram abịa tọrọ ụmụ agbọghọ ahụ.

Into danger's arms: Chaos as schoolgirls flee Boko Haram

Ọsaị Ojigho, onye Nlekọta otu Amnesty International na Naịjiriya kwuru sị : “Ndi ọchịchị Naịjiriya ga-enyochalata iri mperi ọrụ nchekwa nke na-enweghi ngọnahụ nke mere eji nwee ntọrị a na-enweghị ihe ọbụla  e mere igbochi ya”
'We've been living in anguish,' parents of missing Dapchi schoolgirls say  
N’okwu nke ha, Ọnụ na-ekwuru Ndi Agha Naịjiriya, Jọn Agịm sịrị na eziokwu adịghị n’ebubo ahụ. ” Kedu ụsụụ ndi agha nke ndi mmadụ kpọrọ ịgwa ha maka ya bụ mwakpọ na-achọ ime?”. O bokwara otu Amnesty International ebubo ibute ọgbata uhie  n’agha a na-ebuso ndi Boko Haram

Nigerian leader favors negotiation over military action to help free schoolgirls

Bukky Shonibare, onye so na ndi ndu otu Bring back Our Girls kwuru sị:” O doola anya ugbua– ha tọrọ, anyị na ha akpaa, ha anara ego mgbapụta, atọhapukwuo ndi otu ha eji eji, ha alọghachi kwadosie ike iji mezi nke ka nke” Ọ na-arụgara aka n’etu Gọọmentị si ebunye ndi Boko Haram akatamkpo ego dịka ego mgbapụta nke ha ji azụrụ ajọ ngwa ọgụ dị iche iche iji gaa n’ihu n’arụ ha na-akpa

1 Comment

  1. Naịjirịya bụzị ” ụwa yagara aga”




    0



    0

Leave a Reply

Your email address will not be published.