A GA-ARỤ ỌNỤ ỤZỌ ÁMÁ MAKA ỌRỊA KORO N’ÓKÈALA EBỌNYỊ/ENUGWU – ỤMAHỊ

Spread the love

Abakaliki – Gọvanọ Devid Ụmahị nke Ebọnyi Steeti nọrọ ụnyahụ were kwuo na ya ogbo ya nke Enugwu Steeti, Ifeanyị Ugwuanyi, ekpebiela ịrụ ọnụ ụzọ ámá n’okeala ha iji hụ -na ndị njem anaghị agafe maka mgbochi  ọrịa koro.

Ụmahị kwupụtara nkea n’okwu ọ gwara ndị  Steeti ahụ nile banyere mbọ gọọmenti  iji kwụsị ọrịa koro.

Kaosiladi, ọtụtụ mmadụ hụtara nkea dịka  mmadụ ire nkịta ga zụrụ enwe maka na sọọsọ ihe ga-azọpụta Ndigbo n’ọrụ nchekwa, ma ọ bụ nchekwa ókèala ọrịa koro, ma ọ bụ nchekwa obodo n’uju bụ ihe ótù nchekwa (Amotekun) Ndigbo.

Chetakwa na tupu nsogbu ọrịa koro, Umahi kwere Sinetọ Jim Nwobodo, Ichie Ọchịchị, nkwa na ndị Gọvanọ Mpaghara Ọwụwa Anyanwụ ga-amalite ótù nchekwa nke Ndigbo n’ọnwa Eprel  afọ 2020.

Gọvanọ ahụ kwuru sị, “Mụ na Gọvanọ Enugwu Steeti kparịtara ụka were kpebie ịrụkọta ọnụ ụzọ ámá, nke ga-abụ a kpọchie  ya, anyị alakpuo. Anyị ga-arụ ya n’udiri ga-abụ onye sigodu ime ọhịa, ị gaghị agahienwu.

” A ga m ewepụtara atụmatụ mkpọchi ókèala a anya. Ọ bụrụ na e sibu etu ahụ eme ya, Ebọnyi agaghị ọrịa koro ọbụla chaa chaa”

Umahi kwukwara na ya na ndị ka na-ekwu na ighọrịa koro adịghị kwesịrị imere ọmaiko.

“Ndị ka na-ekwu na ọrịa kọrọ adịghị, na ọ bụ ihe e ji eme ihe ndọrọndọrọ ọchịchị kwesịrị ọmaiko.

” Gịnị mere unu agaghị abịa n’ogige nlekọta ọrịa koro were makụọ ndị nwere ọrịa a, karịa ịnọ na Facebook akọ akụkọ”

Hmm, ọ dịkwa egwu. Ọnụ Ụzọ Ámá ha na – achọ ịrụ ọ bụ nke Trump?

Ọzọkwa, ndị nchekwa ga-anọkwa na-elekọta ya bụ ọnụ ụzọ ámá, ọ kwa ndị Uwe Ojii na ndị ọrụ nchekwa ọzọ nke nọ n’okpuru ndị Fulani?

 

 

 

Leave a Reply

Your email address will not be published.