Na Oriakụ Anita Okoye (aha nna ya bụ Isama) edepuwo akwụkwọ ịgba di ya, Paul ‘Rudeboy’ Okoye alụkwaghịm abụghịzị akụkọ.
Ihe bụzị akụkọ bụ na ọ bụ nwanyị, Zari H tisara alụmdi na nwunye ha, dịworo afọ asaa tinyekwara ụmụ atọ Chineke jiri gọzie ha.
Zari bụ ọkụ enu, nwa-afọ Yuganda bi na Sawụtụ Afrịka, onye ji ụmụ nwoke obi mere aka ọrụ.
N’ọnwa Eprel, afọ 2019 di Zari, Diamond Platnumz, onyenwe Wasafi Records chụlara ya ka o bochara ya ebubo na ya na Rudeboy na – eme enyi.
Kaosiladi, Rudeboy gọrọ aka akara na ụkwụ ya, na ọ bụghị ya na Zari yịrị. Na ọ bụ Zari na ejima ya, Mr. P.
Anita akpọghị okwu aha na ya bụ akwụkwọ alụkwaghịm o dere mana ọ kọwara na ọ bụ maka nghọtahie n’ekweghị mkpezi.
Lezienụ anya, osisi kpọrọ nkụ ka a na-ele anya ọdịda, nke dị ndụ si n’úkwù foro. Rudeboy katọrọ nwanne ya, Mr. P maka ịlụ nwanyị Yoroba tọrọ ya atọ mana ha ka nọ, Rudeboy na nwunye ya gbasaa.
