Ọnwụ egbuola Osote Nnukwu Onyeisioche òtù ndọrọndọrọ ọchịchị Labour Party, LP, Mpaghara Ugwu Obinetiti (North Central), Comrade Adi Shirsha Adi, onye nwụrụ ka ọ rịara ahụ obere oge.
Ozi sitere n’aka Ode Akwụkwọ Mgbasa ozi LP Comrade Abayomi Arabambi, nke o dere n’aha Nnukwu Onyeisioche òtù ndọrọndọrọ ọchịchị ahụ, Julius Abure kwuru na ya bụ nwaamadị onye nwụrụ ụbọchị Wenezdee gbara afọ iri isii na otu tupu ọ laa mụọ.
Adi bụ onye Okpuru Ọchịchị Konshisha nke dị na Benuwe Steeti.
Ozi ahụ kwukwara sị: “Òtù ndọrọndọrọ ọchịchị anyị ji mwute ekwupụta ọnwụ Comrade Adi Shirsha Adi, onye nke gbara mbọ nke ukwuu ime ka LP bawanye na mpaghara ya.
“Anyị na-arịọzị ezinụlọ ya ka ha nwee nkasi obi. Dịka ka ndị kwenyere na Chineke, sọọsọ ihe dịịrị anyị bụ inye Chineke ekele maka ndụ. Dịka òtù ndọrọndọrọ ọchịchị anyị ga-agbakwa mbọ ịkwụdosi ike ma gakwaa n’ihu n’ezi nkwenye ndị ahụ o nwere”
