Sinetọ Ifeanyị Ubah, onye na-anọchiteanya mpaghara Ndịda Anambara n’ụlọ nzukọ Sineti Naịjiriya anwụọla.
Ozi hoo!haa!! nwetara bụ na ọ nwụrụ n’ụlọ ọgwụ na Lọndọn n’isi ụtụtụ taa bụ Satọdee.
Ya bụ nwaamadị na-akwadosi ike iji aha ótù ndọrọ ndọrọ ọchịchị All Progressives Congress (APC) nwere zọọ ọkwa Gọvanọ na steeti Anambara ka a sị nọ n’ụlọ ọgwụ na Lọndọn kemgbe izu ụka ole ma ole. Kaosiladị, ọnọdụ ya kawanyere njọ n’ime abalị abụọ gara aga tupu o kubie n’isi ụtụtụ taa.
Ụba gbara afọ iri ise na abụọ tupu laa mmụọ. Ka mkpụrụ obi ya zuru ike na ndokwa! Iseeeeeee!
Chineke! Ọ gịnịkwa na-emezi n’Ala-Igbo? E tichabeghi mkpu ọnwụ Iwuanyanwụ ọzọ mekwaa.
